Íslandsmeistarar

Jóhannes Hagan bikar

Bikar þessi var árið 1958 gefinn af þeim Arnóri Hjálmarssyni, Ásbirni Magnússyni,Guðmundi Bjarnasyni og Helga Filippussyni til minningar um Jóhannes Hagan, sem var meðal frumherja svifflugs hér á landi, en hann lést af slysförum í Kanada árið 1942.
Bikarinn hlýtur Íslandsmeistari í svifflugi.

Íslandsmót í svifflugi er haldið af Flugmálafélagi Íslands, og er einstaklingskeppni í hraða og /eða fjarlægðarflugi á svifflugum. Fyrst er haldið Íslandsmót 1958 og þá á Hellu á Rángárvöllum og hefur verið haldið þar ávalt síðan. Árið 1961 var ekki haldið mót. Ákveðið að sá svifflugmaður, er flygi lengsta yfirlandsflugið á svifflugu á tilteknu tveggja mánaða tímabili, teldist Íslandsmeistari. Mótin 1969 og 1972 urðu ógild þar eð ekki náðist tilskilinn lágmarksfjöldi gildra keppnisdaga.

Atlanta bikar

Svifflugnefndin hefur tekið þá ákvörðun að Jóhannes Hagan Bikarinn ljúki hlutverki sínu sem Íslandsmeistara bikar á tímamótum nýrar aldar og Atlanta bikarinn taki við hlutverki hans. Það er ósk Svifflugnefndarinnar FmÍ að hinn fráfarandi bikar verði tekin til varðveislu á Sandskeiði hjá Svifflugfélagi Íslands. Atlanta bikar, sem er eignarbikar, er gefinn árið 2002 af hjónunum Arngrími Jóhannssyni og Þóru Guðmundsdóttur, eigendum Atlanta, til eflingar svifflugs á Íslandi. Bikarinn hlýtur Íslandsmeistari í svifflugi. Atlanta bikar, sem er eignarbikar, er gefinn árið 2004 af Arngrími Jóhannssyni , stofnanda Atlanta, til eflingar svifflugs á Íslandi. Bikarinn hlýtur Íslandsmeistari í svifflugi.