Aðalfundarboð SFÍ 2021
Boðaður er aðalfundur Svifflugfélags Íslands fimmtudaginn 27. maí 2021.
Fundurinn verður haldinn í húsnæði ÍSÍ í Laugardalnum, í sölum D og E á þriðju hæð og hefst kl. 19:30.
Dagskrá skv. samþykktum félagsins sem sjá má á http://www.svifflug.com/ og segir:
1. Lesin fundargerð síðasta aðalfundar.
2. Skýrsla um starfsemi félagsins á síðasta starfsári.
3. Reikningar lagðir fram til samþykktar.
4. Kosning formanns, meðstjórnenda og endurskoðenda.
5. Innganga nýrra félaga og samþykkt þeirra.
6. Kosning fulltrúa á þing FMÍ það ár sem þing og aðalfundur fara saman.
7. Tillögur teknar til meðferðar.
8. Önnur mál.
Aðalfundur ákveður inntökugjald og árgjald félagsins.
Kosningarétt og kjörgengi á aðalfundi hafa allir félagar 16 ára og eldri sem ekki skulda félagsgjöld. Atkvæði eru óframseljanleg.
Kosningar skulu vera skriflegar, nema fundurinn samþykki annað.
Vakin er athygli á ákvæðinu sem segir:
„Kosningarétt og kjörgengi á aðalfundi hafa allir félagar 16 ára og eldri sem ekki skulda félagsgjöld.“
Félagsgjöld í þessum skilningi eru öll gjöld til félagsins sem í samþykktunum eru nefnd inntökugjald, árgjald og fluggjöld. Félagsmenn eru hvattir til þess að gera upp hugsanlegar skuldir sínar. Atkvæðaseðlar verða afhentir skuldlausum félagsmönnum á fundinum.
--------------
Tillaga stjórnar um breytingu á samþykktum félagsins hefur verið kynnt og verður tekin fyrir undir 7. lið dagskrár:
Breyting á 3. grein:
16 ára breytist í 18 ára vegna lögræðisaldurs.
Breyting á 9. grein:
Núverandi málsgrein "Kosningarétt og kjörgengi á aðalfundi hafa allir félagar 16 ára og eldri sem ekki skulda félagsgjöld."
Ný málsgrein "Kosningarétt og kjörgengi á aðalfundi hafa allir félagar 16 ára og eldri sem eru skuldlausir við félagið."
Breyting á 22. grein:
Núverandi málsgrein: "Félagar er eigi hafa greitt árgjöld sín til félagsins í tvö ár eða lengur, skulu strikaðir af skrá þess, nema sérstakar gildar ástæður séu fyrir hendi, enda hafi verið skriflega innt um greiðslu."
Ný málsgrein: "Félagar er eigi hafa greitt að fullu skuldir sínar til félagsins í tvö ár eða lengur, skulu strikaðir af skrá þess, enda hafi verið skriflega innt um greiðslu."
Greinagerð: Í 20. gr. samþykkta félagsins er ekki gert ráð fyrir að hægt sé að safna skuldum en þar segir "Fluggjöld skulu ákveðin af stjórn félagsins og skulu staðgreidd."
Í framkvæmdinni hefur viðgengist að flug væru ekki staðgreidd sem hefur í sumum tilfellum leitt til óhóflegar skuldasöfnunar og afskrifta. Stemma þarf stigu við þessu enda ljóst að ef einn félagsmaður greiðir ekki skuldir sínar þá er hann í raun að fljúga á kostnað annarra sem er ekki sanngjarnt og mismunar félagsmönnum.
Félagsmenn eru hvattir til að mæta á fundinn og taka þátt í að móta starfsemi félagsins.
Fyrir hönd stjórnar,
Steinþór Skúlason, ritari
